Ամերիկյան լրատվամիջոցների համաձայն` ԱՄՆ-ի նախագահ Բարաք Օբաման Հելոուինի տոնակատարության համար Սպիտակ Տուն էր հրավիրել հարյուրավոր երեխաների: Ավանդույթի համաձայն ընտրում են և նվերներ տալիս ամենատպավորիչ հանդերձ ունեցող մասնակցին: Երբ Սպիտակ Տանը հայտնվել էր Հռոմի Պապի հագուստով փոքրիկ տղան` նստած Պապի մեքենայի նմանությամբ պատրաստված խաղալիք մեքենայում, ապա Օբաման անմիջապես հայտարարել էր, որ գլխավոր մրցանակը տալու է այդ փոքրիկին:
