ԱՄՆ-ի Սան Դիեգո քաղաքի <<The Rock Church>> եկեղեցին Կալիֆորնիա նահանգի կարիքավոր ընտանիքների համար կազմակերպել էր խաղալիքների տոն: Միջոցառումը ոչ միայն երեխաների, այլ ամբողջ ընտանիքի համար էր: Տոնակատարության ժամանակ ճաշկերույթ էր կազմակերպվել, մասնակիցներին բաժանել էին հագուստ, սննդամթերք, երեխաներին նվիրել էին ավելի քան 23 հազար խաղալիքներ: Եկեղեցու հովիվ Մայլս Մակֆերսոնի խոսքով խաղալիքների տոնը սիրված և սպասված միջոցառումներից է: << Տոնը մարդկանց մոտ դրական հույզեր է առաջացնում: Մեր եկեղեցին տարբեր համայնքների և բարեգործական կազմակերպությունների հետ միասին ջանում է, որպեսզի միջոցառումը պատշաճ ձևով կազմակերպվի>>-ասել էր հովիվը: Այս տարվա միջոցառմանը ծառայել էին Սան Դիեգոյի մի քանի եկեղեցիներից ավելի քան 4հազար կամավորներ:
