Invictory կայքի տեղեկացմամբ` փետրվարի 15-ին Լոս Անջելեսում կայացած <<Գրեմմի -2016>> մրցանակաբաշխության ժամանակ մրցանակի են արժանացել քրիստոնյա հայտնի կատարողներ ԹոբիՄաքը, Իսրայել Հյուսթոնը, Կիրկ Ֆրանկլինը և այլոք: ԹոբիՄաքը հաղթող է ճանաչվել << Ժամանակակից քրիստոնեական լավագույն երաժշտություն>> անվանակարգում: Այս նույն անվանակարգում առաջադրվել էին Կրիս Թոմլինը, Մեթ Մահերը, Լորեն Դիգլը և Ջայսոն Քրաբը: Հանդիսավոր արարողությունից հետո ԹոբիՄաքը գրել էր Facebook-ի իր էջում.<<Ես ուրախ եմ, շատ շնորհակալ եմ բոլոր նրանց ովքեր ինձ հետ միասին աշխատել են այս նախագծի վրա: Ողջ փառքը Աստծունն է>>: Փառաբանության առաջնորդ Իսրայել Հյուսթոնը մրցանակ է ստացել << Լավագույն հոգևոր երաժշտական ալբոմ>> անվանակարգում, իսկ Կիրկ Ֆրանկլինը հաղթել է << Քրիստոնեական երգի լավագույն կատարում>> անվանակարգում:
