Christian Today-ի տեղեկացմամբ` Ֆիլիպիններում կաթոլիկ եկեղեցին պաշպանել է քրիստոնյա հայտնի բռնցքամարտիկ Մեննի Պակյաոին, ով կոշտ քննադատության էր ենթարկել միասեռ ամուսնությունները: << Երբևէ դուք տեսել եք, որ նույնասեռ կենդանիները ընտանիք ստեղծեն: Այդ հարցում նրանք մարդկանցից ավելի լավն են, կարողանում են տարբերել արուն և էգը: Եթե մենք օրինականցնում ենք այդ կապերը, ուրեմն մարդիկ կենդանիներից վատն են>>-հայտարարել էր բռնցքամարտիկը: Ֆիլիպինների կաթոլիկ եպիսկոպոսների կոնֆերանսի քարտուղար, եպիսկոպոս Իերոնիմ Սեցիլիանոն տեղի լրատվամիջոցներին տված հարցազրույցում նշել էր, որ անարդարացի է մեղադրել Պակյաոին, ում կարծիքը հիմնված է նրա հավատքի վրա: Իր հասցեին հնչող մեղադրանքների և քննադատությունների վերաբերյալ լրագրողի տված հարցին Մեննի Պակյաոն պատասխանել էր.<<Դա ինձ բոլորովին չի անհանգստացնում: Իմ ներսում Հիսուսն է և ես երջանիկ եմ: Ինչպես ասված է Աստվածաշնչում յուրաքանչյուր օրվա համար բավական է իր հոգսը, ուստի մի մտահոգվեք այդ մասին>>: Նշենք, որ մայիսին կայանալու են Ֆիլիպինների Կոնգրեսի ընտրությունները, որում Պակյաոն իր թեկնածությունն է առաջադրել Սարանգանի շրջանից: Համասեռամոլների իրավունքները պաշտպանող ֆիլիպինյան կազմակերպության ներկայացուցիչը ընտրողներին կոչ է արել չքվեարկել բռնցքամարտիկի օգտին: Պակյաոի այդ հայտարարությունից հետո <<Նայք>> ընկերությունից բռնցքամարտիկի հովանավորը հրաժարվել է շարունակել համագործակցությունը:
