Ռուս Ուղղափառ եկեղեցու Սինոդի արտաքին եկեղեցական կապերի բաժնի ղեկավար միտրոպոլիտ Իլարիոնը Վատիկանում հանդիպել է Հռոմի Պապ Ֆրանցիսկ I-ի հետ: Վատիկանի մամուլի ծառայության հաղորդման համաձայն` Պապը միտրոպոլիտին շնորհակալություն էր հայտնել Վատիկանում ընթացող ընտանիքի հարցերին նվիրված եպիսկոպոսների ժողովում միտրոպոլիտ Իլարիոնի ելույթի ժամանակ հնչած ողջույնի խոսքերի համար և բարեմաղթանքներ էր հղել Պատրիարք Կիրիլին: Զրույցի ժամանակ անդրադարձել էին Ռուս Ուղղափառ և Հռոմեա-կաթոլիկ եկեղեցիների փոխհարաբերություններին, Մերձավոր Արևելքի իրավիճակին, որտեղ շարունակվում են քրիստոնյաների հալածանքները իսլամիստ գրոհայինների կողմից: Հանդիպման ավարտին Պապը և միտրոպոլիտը հուշանվերներ էին փոխանակել:
