Սեպտեմբերի 22-ի երեկոյան հրեաները ողջ աշխարհում սկսել են տոնել Յոմ Կիպուրը` հրեական կարևորագույն տոներից մեկը, որին այլ կերպ անվանում են Դատաստանի օր կամ Մեղքերի թողության օր: Հրեական օրացույցով այս տոնը սկսվում է թշրի ամսի տասներորդ օրը, երբ ավարտվում է հրեաների զղջման տասներորդ օրը, որը սկսվել էր հրեական Նոր տարվա` Ռոշ Աշանի օրը: Չնայած դրան, Յոմ Կիպուրը չի համարվում տխրության և վշտի օր, որովհետև Թալմուդի համաձայն հենց այդ ժամանակ է Մովսեսը ստացել պատվիրանները: Թորան պատվիրում է Յոմ Կիպուրի օրը ոչ մի աշխատանք չանել, ծոմ պահել, խուսափել բոլոր տեսակի հաճույքներից: Տոնի կապակցությամբ Ռուսաստանի գլխավոր Րաբբի Բերլ Լազարը դիմել էր հրեաներին` նշելով, որ Յոմ Կիպուրի ժամանակ զղջման աղոթքը հատուկ զորություն ունի: <<Թող այս օրը մեր աղոթքների շնորհիվ բացվեն մեր սրտերը, թող Աստված մեր սրտերում տեսնի միայն ճիշտ գործեր կատարելու վճռականություն>>- հայտարարել էր Բեռլ Լազարը: Իսկ Ռուսաստանի հրեական համայնքների դաշնության նախագահ Ալեքսանդր Բորոդան իր բարեմաղթանքում ասել էր. <<Ցանկանում եմ, որպեսզի յուրաքանչյուրս անկեղծորեն անցնի զղջման այս ոչ հեշտ ուղին, որի արդյունքում մենք կարող ենք հասնել բարոյականության մի նոր աստիճանի>>: Նշենք, որ տոնի նախօրեին ավանդաբար առատ զոհաբերություններ են կատարվում բարեգործական նպատակների համար:
