Անգլիայի Շրուսբերի քաղաքի կաթոլիկ եպիսկոպոս Մարկ Դևիսը հայտարարել է, որ Մեծ Բրիտանիայի կառավարությունը պետք է քրիստոնյաների դեմ << Իսլամական պետություն>> խմբավորման կատարած հանցագործությունները ճանաչի որպես ցեղասպանություն: << Մենք պետք է խնդրենք մեր կառավարությանը վերանայել իսլամիստ գրոհայինների հանցագործությունները ցեղասպանություն ճանաչելու մերժումը: Քրիստոնյաների և կրոնական ու ազգային մյուս փոքրամասնությունների դեմ անմարդկային հանցագործություններ են կատարվում հենց այն տարածաշրջանում, որտեղ ծնունդ է առել քրիստոնեությունը>>-հայտարարել էր եպիսկոպոսը սուրբ Հարության տոնի կապակցությամբ արված հայտարարությունում: Ի դեպ <<Իսլամական պետություն>> խմբավորման կատարած հանցագործությունները որպես ցեղասպանություն են ճանաչել Եվրախորհրդարանը և ԱՄՆ-ի կոնգրեսը:
