CBS News-ի տեղեկացմամբ ԱՄՆ-ի հատուկ ծառայությունները չեզոքացրել են Հռոմի Պապի դեմ հնարավոր ահաբեկչության սպառնալիքը առաջիկայում նրա ԱՄՆ կատարելիք այցի ժամանակ: Այս մասին հայտարարել է Կոնգրեսի Ներկայացուցիչների պալատի ազգային անվտանգության կոմիտեի ղեկավար Մայքլ Մաքքոլը: Նրա խոսքով այդ տեղեկությունները տրամադրել է Գաղտնի ծառայությունը, որը պատասխանատու է բարձրաստիճան անձանց անվտանգության համար: <<Մասնավորապես, մենք կարողացել ենք կանխել հնարավոր ահաբեկչությունը>> նշել էր Մաքքոլը` չտեղեկացնելով մանրամասների մասին: Կոնգրեսականը հայտարարել էր նաև, որ Հռոմի Պապ Ֆրանցիսկ I-ը շատ զգացմունքային անձնավորություն է և սիրում է շփվել մարդկանց հետ: << Դա կարող է լուրջ սպառնալիք լինել նրա անվտանգության համար: Մեր բոլոր ծառայությունները շատ զգոն կլինեն, որպեսզի պաշտպանեն Պապին ԱՄՆ կատարելիք այցի ժամանակ>>-հայտարարել էր կոնգրեսական Մայքլ Մաքքոլը: Ինչպես գիտենք Պապի հնգօրյա այցը ԱՄՆ սկսվելու է սեպտեմբերի 22-ին:
