Նոյեմբերի 6-ին Վատիկանը թողարկել է Ֆրանցիսկ I Պապի երաժշտական գործիքավորմամբ ուղեկցվող սկավառակը: <<Wake up!>> (Արթնացիր) ալբոմի ստեղծման գաղափարը պատկանում է Ջուլիո Ներոնիին, ով նախկինում թողարկել էր Հովհաննես Պողոս II-ի և Բենեդիկտոս XVI-ի քարոզները դարձյալ երաժշտական ձևավորմամբ։ Ներոնիի խոսքով` ներկայիս աշխատանքը ամբողջությամբ տարբերվում է նախորդներից։ «Մենք փորձել ենք արտահայտել Ֆրանցիսկ Պապի բնավորությունը» – նշել էր Ներոնին։ Սկավառակում ձայնագրված են Պապի ամենահայտնի ուղերձները, որոնք ուղեկցվում են ոչ միայն եկեղեցական երգեցողությամբ, այլ նաև փոփ և ռոք երաժշտությամբ: Ալբոմը սկսվում է բարի երեկո ողջույնով, որը Ֆրանցիսկ I-ը արտասանել էր Սուրբ Պետրոսի տաճարի պատշգամբից Պապ ընտրվելուց անմիջապես հետո: Նոյեմբերի վերջին սկավառակը վաճառքի կհանվի նաև այլ երկրներում: Հաշվի առնելով Ֆրանցիսկ Պապի մեծ հեղինակությունը, Վատիկանում համոզված են, որ սկավառակը շատ մեծ հաջողություն կունենա: Վաճառքից ստացված գումարը կօգտագործվի բարեգործական նպատակներով` մասնավորապես փախստականներին օգնելու:
