Քրիստոնյա առաջնորդները իրենց ցավակցությունն են հայտնել Բելիգիայի մայրաքաղաք Բրյուսելում տեղի ունեցած ահաբեկչությունների առիթով, որին զոհ է գնացել առնվազն 34 մարդ, ավելի քան 100 մարդ վիրավորվել: Բելգիայի իշխանություններին ուղարկված հեռագրում Հռոմի Պապ Ֆրացիսկ I-ը ցավակցություն է հայտնել , խստորեն դատապարտել ահաբեկչությունը և Աստծուց խաղաղություն է խնդրել: Բելգիայի թագավոր Ֆիլիպին իր ցավակցությունն է հայտնել նաև Ռուս եկեղեցու առաջնորդ Պատրիարք Կիրիլը:<< Ցավով տեղեկացանք Բրյուսելում տեղի ունեցած ահաբեկչական պայթյունների մասին, որոնց զոհ են գնացել տասնյակ մարդիկ: Ռուս ուղղափառ եկեղեցին ցավակցում է զոհերի հարազատներին և բարեկամներին: Աստված նրանց զորացնի և հոգևոր ամրություն տա այս դժվարին պահին>>- ասված է Պատրիարքի ցավակցական հեռագրում: Իսկ Քենթերբերիի արքեպիսկոպոս Ջասթին Ուելբին Facebook-ում գրել էր, որ Բրյուսելում տեղի ունեցած դեպքերը իրենց դաժանությամբ ցնցեցին բոլորին, ովքեր ձգտում են խաղաղության և արդարության: << Այս շաբաթ յուրաքանչյուր ծառայության եկեք աղոթենք ահաբեկչության զոհերի հարազատների և վիրավորների համար>>-գրել է արքեպիսկոպոսը:
