Հռոմի Պապ Ֆրանցիսկ I-ի Թուրին կատարած այցի ժամանակ Իտալիայի հյուսիսային Բրա քաղաքի մասնագիտացված տեխնիկական դպրոցի աշակերտները և ուսուցիչները Պապին մոպեդ են նվիրել: Itom 50 տեսակի մոպեդը արտադրվել է անցյալ դարի 60-ական թվականներին Թուրին քաղաքում: Դպրոցի աշակերտները և ուսուցիչները մոպեդը ձեռք բերելուց հետո այն վերանորոգել էին և ներկել: Դպրոցի ուսուցիչները հայտնել են, որ այս նվերի մասին նախապես տեղեկացրել են նամակում, որին Վատիկանից հավանություն են տվել: Նշենք, որ այդ դպրոցը հիմնադրվել է 1959 թվականին: Ուսումնական այս հաստատությունում պատրաստում են տարբեր արհեստների մասնագետների: Ներկայումս դպրոցում սովորում է 600աշակերտ:
