Եվրոպոլը նախազգուշացնում է, որ Փարիզի ահաբեկչություններից հետո իսլամիստ գրոհայինների կողմից ահաբեկչական նոր հարձակումներ են սպառնում Եվրոպային: Այս մասին հայտարարել է Եվրոպոլի ղեկավար Ռոբ Ուենրայթը: << Ներկայումս Եվրոպան բախվել է վերջին տաս տարիների ահաբեկչական ամենալուրջ սպառնալիքի հետ>>-ասված է նաև Եվրոպոլի պաշտոնական կայքում հրապարակված հայտարարությունում: Եվրոպայի ոստիկանական այս կառույցի կարծիքով <<Իսլամական պետություն>> խմբավորման գործունեությունը ընդարձակվում է`դառնալով միջազգային և ձեռք է բերում հատուկ նշանակության միջազգային ուժերի հարձակումների ոճը: << Օտարերկրյա գրոհայինների թվի մեծացումը նոր մարտահրավերներ է ստեղծում Եվրամիության անդամ պետությունների համար: Առաջիկայում ահաբեկչական նոր հարձակումներ կարող են իրականացվել : Եվրամիությունը պետք է ուժեղացնի պատասխան միջոցները ահաբեկչական ցանցերի հանդեպ, ինչպես նաև վերանայի սպառնալիք հասկացության ռազմավարությունը>>-ասված է Եվրոպոլի հայտարարությունում: