Associated Press-ի տեղեկացմամբ` ԱՄՆ-ի Եպիսկոպոսական եկեղեցին որոշել է ետ չմնալ նախագահ Բարաք Օբամայից, ով իր հավանությունն է տվել միասեռ ամուսնություններին, իսկ վերջերս էլ երկրի ողջ տարածքում օրինականացվել են միասեռ ամուսնությունները: Սոլտ Լեյք Սիթիում կայացած հանդիպման ժամանակ Եպիսկոպոսական եկեղեցու գլխավոր կոնվենցիայի բոլոր անդամները կողմ էին քվեարկել, որպեսզի քահանաները կատարեն միասեռ ամուսնությունների արարողությունը: Բացի դա կոնվենցիայի որոշումով հարսանեկան արարողության ժամանակ չեն օգտագործելու ամուսին և կին բառերը, այլ օգտագործելու են <<ամուսնական զույգ>> արտահայտությունը: Փաստորեն ընդունված այս որոշումները հաստատեցին այն պրակտիկան, որը երկար ժամանակ կիրառվում էր ԱՄՆ-ի Եպիսկոպոսական եկեղեցում, սակայն պաշտոնապես չէր հաստատվել ղեկավարության կողմից:
