Իսրայելցի գիտնականները փորձում են վերստեղծել Հիսուսի ժամանակաշրջանի գինին

//Իսրայելցի գիտնականները փորձում են վերստեղծել Հիսուսի ժամանակաշրջանի գինին

Իսրայելցի գիտնականները փորձում են վերստեղծել Հիսուսի ժամանակաշրջանի գինին

Հորդանանի արևմնտյան ափին գտնվող իսրայելական Արիել քաղաքի համալսարանի աշխատակիցները  պրոֆեսոր  Էլյաշիվ Դրորիի ղեկավարությամբ փորձում են ստանալ Հիսուս Քրիստոսի  ժամանակաշրջանի գինի: Այս մասին տեղեկացնում են իսրայելյան լրատվամիջոցները: Գիտաշխատողները օգտագործում են  հրեական հինավուրց տաճարների ավերակներում գտնված խաղողի սերմերը և գինիներ պահելու  կավե անոթների  բեկորները: Բազմամյա ուսումնասիրությունների  արդյունքում  հաջողվել է հայտնաբերել  երկու  հազար տարի առաջ  Իսրայելում  աճած  խաղողի 120 տեսակ: Դրանցից 20-ը պիտանի են  ներկայումս գինի արտադրելու համար: Գիտնականները հուսով են, որ մի քանի հազար տարվա վաղեմություն ունեցող խաղողի կորիզներից  ստացված գենետիկ նյութը հնարավոր կլինի  փոխանցել  տեղի խաղողի մի քանի տեսակներին և արդյունքում  ստանալ այն խաղողը , որը Իսրայելում աճել էր ավելի քան երկու հազար տարի առաջ:Իսրայելցի հետազոտողները  արդեն որոշակի հաջողություններ են գրանցել: 2014թվականին  2480 շիշ գինի էին արտադրել    մարավի տեսակի խաղողից:  Խաղողի այդ տեսակը  անհետացած էր համարվում, սակայն  հնագետների և խաղողագետների ջանքերով հնարավոր եղավ այն  վերականգնել: Գրավոր աղբյուրների համաձայն  մարավի  տեսակի խաղողը Իսրայելում աճել է  մեր թվարկության մոտ 220թվականին:  Իսկ Հիսուսի ժամանակաշրջանի գինի  փորձում են ստանալ  խաղողի հինավուրց 30 տեսակներից: Առավել հավանական թեկնածուն  դաբուկի տեսակի հինավուրց խաղողն է:

By | 2015-12-10T13:51:46+00:00 December 10th, 2015|Նորություններ|0 Մեկնաբանություններ

About the Author:

Թողնել Հաղորդագրություն