Հավանայում Պապի մատուցած Պատարագին մասնակցել էր  300 հազար մարդ

//Հավանայում Պապի մատուցած Պատարագին մասնակցել էր  300 հազար մարդ

Հավանայում Պապի մատուցած Պատարագին մասնակցել էր  300 հազար մարդ

Սեպտեմբերի 19-ին եռօրյա հովվական այցով Հռոմի Պապ Ֆրանցիսկ I-ը ժամանել է Կուբայի մայրաքաղաք Հավանա: Կուբացիները Պապին ջերմ ընդունելություն են ցույց տվել: Հավանայի օդանավակայանում նրան դիմավորել էր Կուբայի  նախագահ Ռաուլ Կաստրոն: Ընդունելության հանդիսավոր արարողությունից հետո Ֆրանցիսկ Պապը ուղևորվել էր Կուբայում Վատիկանի ներկայացուցչության շենքը: Գրեթե 18կմ երկարություն ունեցող ամբողջ   ճանապարհին  կաթոլիկ Հովվապետին ողջունելու համար հավաքվել էին ավելի քան 100 հազար կուբացիներ: Իր սովորության համաձայն Պապը հրաժարվել էր զրահապատ մեքենայից և տեղաշարժվում էր բաց ավտոմեքենայով, որպեսզի մոտ գտնվի ժոովրդին: Սեպտեմբերի 20-ի առավոտյան Հավանայի կենտրոնական հեղափոխության հրապարակում և հարակից փողոցներում  հավաքվել էր ավելի քան 300 հազար մարդ մասնակցելու Պապի կողմից մատուցվող պատարագին: Պատարագին ներկա էին գտնվել Ռաուլ Կաստրոն, Արգենտինայի նախագահ Քրիստինա Կիրշները, Կուբայում հավատարմագրված  բոլոր դեսպանները, համաշխարհային լրատվամիջոցները ներկայացնող բազմաթիվ լրագրողներ,հազարավոր ուխտավորներ այլ պետություններից: Ժողովրդի մոտով անցնելիս Պապը հաճախ կանգնեցրել էր մեքենան, իջել էր ,  մարդկանց  ձեռքերը սեմել, օրհնել: Նա  շփվել և օրհնել էր  ծանր հիվանդ մարդկանց խմբին: Պատարագի  ժամանակ Ֆրանցիսկ I-ը խոսել էր սիրո, կարիքավորների, սոցիալական ցածր աստիճանում գտնվող մադրկանց հանդեպ գթասրտության մասին:<< Քրիստոսը մեզ կանչել է  հոգ տանել անօգնական մարդկանց, տառապյալներին հուսահատվածներին: Մեր Տերը կոչ է անում սիրել նրանց: Իսկ սերը արտահայտվում է կոնկրետ գործերով  և որոշումներով>>-մասնավորապես հայտարարել էր կաթոլիկ Հովվապետը:

By | 2015-09-22T15:13:36+00:00 September 22nd, 2015|Նորություններ|0 Մեկնաբանություններ

About the Author:

Թողնել Հաղորդագրություն