Ամերիկացի աթեիստները շարունակում են պայքարել քրիստոնեական խորհդանիշերի դեմ

Գլխավոր/Նորություններ/Ամերիկացի աթեիստները շարունակում են պայքարել քրիստոնեական խորհդանիշերի դեմ

Ամերիկացի աթեիստները շարունակում են պայքարել քրիստոնեական խորհդանիշերի դեմ

Աթեիստների բողոքից հետո ամերիկյան Միննիսոտա նահանգի Ուոդին քաղաքում Սուրբ Ծննդյան տոների ժամանակ չի դրվի Սուրբ Ծննդյան մսուրը պատկերող տեսարանը: Աթեիստական << Կրոնից ազատ հիմնադրամը>> սպառնացել էր դատարան հայց ներկայացնել քաղաքի իշխանությունների դեմ, եթե  Սուրբ Ծննդյան տեսարանը շարունակեն  ցուցադրել հասարակական վայրում: Աթեիստները հիշեցրել էին, որ  ԱՄՆ-ում եկեղեցին տարանջատված է պետությունից և նման տեսարանների ցուցադրումը  քաղաքային զբոսայգիներում  հակասում է սահմանադրությանը: Չնայած քաղաքի բնակչության բողոքներին, Ուոդինի քաղաքային խորհուրդը  միաձայն  որոշում է ընդունել այլևս չցուցադրել այդ տեսարանը  քաղաքային զբոսայգում: Ինչպես գիտենք աթեիստական այդ կազմակերպությունը  փորձում է ԱՄՆ-ի ողջ տարածքում  հասարակական վայրերից հեռացնել քրիստոնեական  խորհրդանիշերը: Նախորդ ամսին << Կրոնից ազատ հիմնադրամը>> պահանջել էր, որ Կենտուկի նահանգի Ուիլմոր քաղաքի իշխանությունները  ջրամատակարարման աշտարակից  վրայից հեռացնեն խաչը, որը լուսավորվում է գիշերը: Ի պատասխան այդ պահանջի` քաղաքի բնակչությունը  խաչը պաշտպանելու ակցիա էր կազմակերպել, իսկ  քաղաքագլուխ Հերոլդ Ռեյնվոտերը հայտարարել էր, որ կտրականապես դեմ է խաչը հանելուն: