“Այդ տխրահռչակ գործընթացին ընթացք տվողներն անգամ տարրական գաղափար չունեն, թե իրենք ինչպիսի կործանարար բովանդակություն ունեցող տոների են մասնակցում”

//“Այդ տխրահռչակ գործընթացին ընթացք տվողներն անգամ տարրական գաղափար չունեն, թե իրենք ինչպիսի կործանարար բովանդակություն ունեցող տոների են մասնակցում”

“Այդ տխրահռչակ գործընթացին ընթացք տվողներն անգամ տարրական գաղափար չունեն, թե իրենք ինչպիսի կործանարար բովանդակություն ունեցող տոների են մասնակցում”

Հոկտեմբերի 31-ին աշխարհի բազմաթիվ երկրներում նշվում է Հելոուինը: Տոնի ընթացքում մարդիկ կրում են  կախարդների, վհուկների, ուրվականների, վամպիրների, կմախքների և այլ չար ոգիների  տեսքով դիմակներ ու հանդերձներ, որը  տոնի պարտադիր պայմաններից մեկն է։  Հելոուինի գլխավոր խորհրդանիշը Ջեքի լամպն  է: Այն ունի դդմի տեսք, շատ հաճախ էլ պատրաստում են դդմից: Վրան փորագրվում է վախ  ներշնչող դեմք, իսկ ներսում  դրվում է վառվող  մոմ:Տոնի ավանդական գույներն են նարնջագույնը և սևը: Հելոուինի արմատները հասնում են  դարերի խորքը, մինչև հեթանոս  կելտերի ավանդույթները: Անգլիայի, Իռլանդիայի և Հյուսիսային Ֆրանսիայի  տարածքներում  բնակվող  հինավուրց կելտերի մոտ  հոկտեմբերի 31-ը  համարվում էր հին  տարվա ավարտը : Նոյեմբերի մեկի գիշերը տոնում էին  նոր տարվա սկիզբը: Կելտերի հավատալիքների համաձայն այդ գիշերը բացվում էին հանդերձյալ աշխարհի դռները  և  մահացած մարդկանց հոգիները   երկիր էին գալիս: Որպեսզի չդառնան  ուրվականների և չար ոգիների զոհը, կելտերը  հավաքվում էին դրուիդ քրմերի վառած խարույկների  մոտ  և կենդանիներ  էին զոհաբերում, որից հետո  խարույկից կրակ էին վերցնում  և տուն տանում: Տոնի խորհրդանիշը դդումն էր: Կելտերը համոզված էին, որ դդմի ներսում վառվող սրբազան կրակը վախեցնում է ոգիներին և ուրվականներին:  Քրիստոնեության տարածումից  հետո`  610 թվականի մայիսի 13-ին   Բոնիֆացիոս IV Պապը Հռոմի  հեթանոսական Պանթեոն տաճարը օծեց,  որպես  բոլոր սուրբ նահատակների տաճար:  Եվ այդ օրը սկսեցին  նշել, որպես Բոլոր սրբերի տոն: Իսկ 9-րդ  դարում  Գրիգոր IV Պապը    նոյեմբերի 1-ը  կաթոլիկ եկեղեցու համար հայտարարեց  Բոլոր սրբերի օր: Սկզբում տոնը կոչվում էր All Hallows Even` այսինքն բոլոր սրբերի նախօրե, որը հետագայում  դարձավ Halloween: Չնայած քրիստոնյա  եկեղեցին  երկարատև և համառ պայքար էր մղում այդ  օրը չար ոգիներով վախեցնելու  և կելտերի տոնից մնացած սովորությունների  դեմ, այնուամենայնիվ հեթանոս կելտերի տոնը ոչ միայն շարունակեց ապրել, այլ նաև ժողովրդի գիտակցության մեջ միաձուլվեց  եկեղեցական տոնին: Եվ այսօր   քրիստոնեական տոնի անունով հեթանոսական այդ  տոնն էլ կոչում են Halloween:  Մեծ շուքով հեթանոսական Հելոուինը տոնում են անգլախոս երկրներում,հատկապես ԱՄՆ-ում և Կանադայում, քանի որ  19-րդ դարում  Ամերիկա գաղթած  իռլանդացիները իրենց հետ բերել էին  Հելոուինի ավանդույթը:Վերջին  տարիներին տոնը սկսել են նշել նաև Ռուսաստանում և ԱՊՀ երկրներում` այդ թվում նաև Հայաստանում:Քրիստոնեական , հատկապես ավանդապաշտ  եկեղեցիները  խիստ բացասաբար են  վերաբերվում  այդ տոնին: Քրիստոնեական եկեղեցիները  այն համարում են չարաբաստիկ  և  անբովանդակ,  խստորեն դատապարտում են   հեթանոսական այդ տոնակատարությունը` այն համարելով սատանայական,  արհեստականորեն ներմուծված Արևմուտքից:  Շատ երիտասարդներ  տոնելով Հելոուինը  չեն գիտակցում  դրա վտանգավոր  իմաստը և բովանդակությունը: Շատերի համար   այդ օրը ընկերների հետ ևս մեկ անգամ հանդիպելու  և ուրախանալու առիթ է: Սակայն  դա սատանայական  խաբեություն է `մարդկանց  ներշնչելու,  որ դա ուղղակի    ուրախ  տոն է: Նման << ուրախ>> տոները   մարդկանց  հեռացնում են Աստծո հավատքից: Մեջբերենք  Panorama.am կայքի հետ զրույցում  Տեր Համբարձում քահանա Դանիելյանի խոսքերը.<< Հայ Առաքելական Սուրբ Եկեղեցին ամեն անգամ բազմաթիվ առիթներով  հայ ժողովրդին տեղեկացնում է և հորդորում, որ այդ օտարածին տոներն այնքան էլ բարի չեն: Զարմանալին թերևս այն է, որ այդ տխրահռչակ գործընթացին ընթացք տվողներն անգամ տարրական գաղափար չունեն, թե իրենք ինչպիսի կործանարար բովանդակություն ունեցող տոների են մասնակցում>>:

 

 

By | 2015-10-30T12:16:44+00:00 October 30th, 2015|Նորություններ|0 Մեկնաբանություններ

About the Author:

Թողնել Հաղորդագրություն