Ժնևում հրապարակվող <<Tribune>> թերթը հոդված է հրապարակել Հունաստանի տնտեսական ճգնաժամի պայմաններում Հույն Ուղղափառ եկեղեցու սոցիալ բարեգործական հաստատությունների գործունեության մասին: Հոդվածում բերված տվյալների համաձայն`2014թվականին ավելի քան 500 հազար մարդ է օգտվել անվճար սնունդ բաժանող կետերի ծառայությունից: Ավելի քան 75 հազար հույներ եկեղեցուց օգնություն են ստանում այդ նպատակով գործող 150, այսպես կոչված, սոցիալական խանութներում: 2014 թվականին Հույն Ուղղափառ եկեղեցին բարեգործական նպատակների համար ծախսել է ընդհանուր թվով 120 միլիոն եվրո:
